Аферистсем Пушкӑртра пурӑнакансен енчӗкӗсене 4 миллион тенкӗлӗх пушатнӑ

Пӗр кунра республикӑра пысӑк ултавсен серине палӑртнӑ. Хур курнисем пенсионерсем пулнӑ, вӗсем усал шухӑшлӑ ҫынсене питӗ нумай укҫа куҫарнӑ.
Уфара 70 ҫулти пенсионерка суя специалистсем шӑнкӑравланӑ хыҫҫӑн 150 пин тенкӗсӗр тӑрса юлнӑ. Тепӗр 250 пинне банк ӗҫченӗсем, япӑххине сиснӗскерсем, ҫӑлса хӑварма пултарнӑ. Тепӗр пенсионерка, 74 ҫултискер, мифла «посылка» тата ун хыҫҫӑнхи «тӗрӗслевсем» пирки 500 пин тенкӗрен уйрӑлнӑ.
Стерлитамакра 77 ҫулти арҫын «туслӑ мар ҫӗршывсене куҫарни» ҫинчен калакан историе ӗненсе 2,5 миллион тенкӗ ҫухатнӑ.
Кумертау хулинче 73 ҫулти пенсионерка «росфинмониторинг» хушнипе «счетчиксене улӑштарнӑшӑн» 800 пин ытла панӑ.
Полицире асӑрхаттараҫҫӗ: мӗнле легенда шухӑшласа кӑларсан та палламан ҫынсене нихӑҫан та укҫа ан куҫарӑр. Иккӗленӳллӗ калаҫакансемпе ан калаçăр, СМС-ри кодсене ан пӗлтерӗр.
https://mgazeta.com/news/novosti/2025-10-15/za-sutki-aferisty-opustoshili-koshelki-zhiteley-bashkirii-na-4-milliona-rubley-4428507