Уфара бизнесмен «тусне» 5 млн тенкӗ куҫарнӑ

Полицие ултав пирки 43 ҫулти уйрӑм предприниматель заявлени ҫырнӑ.

Шар курнă çын ултавҫӑсем унран 5 миллион тенкӗ вӑрланине каласа кӑтартнӑ. ПР МВД пресс-служби малтанлӑха пӗлтернӗ тӑрӑх, заявлени ҫыракана ӗнер юлташӗ мессенджерта шӑнкӑравланă. Шӑнкӑравлаканӑн сасси пӗлӗшӗнни пек пулнӑ, ҫакӑ заявлени ҫыраканӑн шанӑҫне ҫуратнӑ. Калаҫакан ҫын ӑна харпӑр хӑй тӗллевӗсем валли пысӑк укҫа кивҫен пама ыйтнӑ. Укҫа куҫарма ыйтсан ултавҫӑ Центробанкӑн сайтӗнче регистрациленме ссылка яратӑп тесе хуравланӑ. Шар курни фишинг ссылкипе каҫнӑ та суя харпӑр кабинетра регистрациленнӗ.

Усал шухӑшлӑ ҫын инструкцийӗпе ӗҫленӗ май уфимец харпӑр хӑй перекетленĕ укçине хывса илнӗ, пур пек укҫана аферист панӑ реквизитсем ҫине куҫарнӑ. Пур куҫарусене вӗҫленӗ хыҫҫӑн «тус» хӑйне пулӑшнӑ арҫынна тав тунӑ, тепӗр кунхине улталаннă çын хӑйӗн аккаунтне блокироват тунине курнă. Ултава ӑнланни ӑна хӑйне пӑхӑнакан ҫынпа калаҫнӑ хыҫҫӑн ҫеҫ килнӗ, лешӗ счет ҫине нимӗнле укҫа та кӗменнине пӗлтернӗ.

Ултав ӗҫпе уголовлă ӗҫ пуҫарнӑ.

Сӑнӳкерчӗкĕ: Ксения Калинина / «Башинформ» ИА.

https://www.bashinform.ru/news/law/2025-10-28/v-ufe-biznesmen-perevel-priyatelyu-5-mln-rubley-4444326