Ултавҫӑсемпе калаҫнӑ хыҫҫӑн уфимка 13 миллион тенкӗ ҫухатнӑ

Уфара пурӑнакан хӗрарӑм пысӑк ултав парни пулнӑ, ҫавна пула 13 миллион ытла тенкӗсӗр тӑрса юлнӑ. Ултавҫӑсем шухӑшласа кӑларнӑ сценарипе ӗҫлесе темиҫе кун хӗрарӑма психологи тӗлӗшӗнчен витӗм кӳнӗ, унӑн кашни утӑмне тӗрӗслесе тӑнӑ.

Правӑна сыхлакансем палӑртнӑ тӑрӑх, йӑлтах телефонпа шӑнкӑравланинчен пуҫланнӑ. Хӗрарӑмӑн тата унӑн ҫемйин харпӑр даннӑйӗсене пӗлекен паллӑ марскер вилнӗ мӑшӑрӗн вилнӗ хыҫҫӑн награда илмеллине пӗлтернӗ. Ҫак сӑлтавпа вӑл уфимкӑран вӑрттӑн информаципе СМС-ри кодсене ыйтса пӗлнӗ.

Ун хыҫҫӑнхи кунсенче унпа «Госуслугӑсен», полици тата банкӑн суя ӗҫченӗсем ҫыхӑннӑ. Вӗсем парнине унӑн госпорталти харпӑр кабинетне ҫӗмӗрнине ӗнентернӗ, вӑл вара «туслӑ мар ҫӗршыва» куҫарас ӗҫре палӑрать имĕш. «Хӑрушсӑрлӑха тивӗҫтерес» тесе хӗрарӑма телефон ҫине пӗр-пӗр приложени вырнаҫтарма, мӗнпур банк счечӗсен даннӑйӗсене пӗлтерме тата мӗнпур укҫана хывса илме хушнӑ.

 

Аферистсем ун валли легенда тунӑ: банкран пысӑк укҫа илнӗ чухне хваттер тата автомобиль туянма укҫа кирлӗ тесе каламалла пулнӑ. Уфимкăна 13 миллион тенкӗ укҫана хывнă хыҫҫӑн ӑна курьера пама хушнӑ, малтанах шухӑшласа хунӑ код сӑмахне каламалла пулнă.

Ултава ултавҫӑсем пӗтӗм ҫырусене кӑларса пӑрахнӑ хыҫҫӑн ҫеҫ ӑнланса шар курнӑ хӗрарӑм полицие ҫитнӗ. Улталанӑ тӗслӗхпе уйрӑмах пысӑк виҫепе уголовлӑ ӗҫ пуҫарнӑ.

Уфари Раҫҫей МВД пайĕ граждансене сыхӑ пулма чӗнет: нихӑҫан та ют ҫынсене карттӑсен реквизичӗсене, СМС-ри кодсене пӗлтермелле мар, вӗсем ыйтнипе укҫа куҫармалла мар.