

#владимирпутин
Раҫҫей Президенчӗ Владимир Путин табак продукцине сутнӑ чухне палӑртнӑ хаксене тата сроксене пӑснӑшӑн штрафсем кӗртекен саккуна алӑ пуснӑ. Тивӗҫлӗ документа ҫу уйӑхӗн 2-мӗшӗнче право информацийӗн официаллӑ интернет-порталӗнче пичетленӗ.
Ваккӑн сутакан чи пӗчӗк е чи пысӑк хаксене пӑхӑнмасан сутуҫӑн штраф тӳлеме тивӗ, ҫав вӑхӑтрах унӑн виҫи талӑкра сутнӑ тавар хисепӗнчен килӗ. Сӑмахран, 100 единица таран сутнӑшӑн штраф 5 пин тенкӗпе танлашӗ, 1 пин единица таран сутнӑшӑн — 50 пин тенкӗпе, 1 пин единицан ытларах — 500 пин тенкӗпе.
Ҫав вӑхӑтрах срокран тухнӑ таварпа суту-илӳ тунӑшӑн штрафлӗҫ. Уйрӑм предпринимательсем сутнӑ кашни таваршӑн 10 пин тенкӗ тӳлӗҫ, юридика сӑпачӗсем — пӗр штукшӑн 20 пин тенкӗ.