Пушкӑртстанра суррогат сутуҫи суд умне тӑрӗ

Арҫынран 1,5 миллион тенкӗлӗх вунă пин литр эрех-сӑра туртса илнӗ.
Абзелил район прокуратури вӑрттӑн спирт анлӑ ҫаврӑнӑшӗ пирки суда уголовлӑ ӗҫ янӑ.
Вырӑнти ҫынна алкоголь продукцине уйрӑмах пысӑк виҫепе маркировкӑсӑр туса сутнӑшӑн айӑпланӑ. Регионти надзор ведомствинче пӗлтернӗ тӑрӑх, пӗлтӗрхи ака уйӑхӗнчен пуҫласа раштав уйӑхӗччен арҫын спиртлӑ шӗвексем тултармалли тулли цех йӗркеленӗ, ун валли нимӗнле патшалӑх лицензийӗ те пулман. Хатӗр тавара вӑл районта тара илнӗ пурӑнман пӳлӗмре упранӑ, унтан Челябинск облаҫӗн тата Пушкӑртстан территорийӗнчи усламҫӑсене турттарнӑ.
Преступлени схемине право хуралӗн органӗсен ӗҫченӗсем чарнӑ. Саккунсӑр ҫаврӑнӑшран сутма хатӗр вунă пин литра яхӑн шӗвеке туртса илнӗ. Суррогат хакӗ 1,5 миллион тенкӗрен иртнӗ.
Ҫывӑх вӑхӑтра ĕҫ материалӗсене Абзелил район сучӗ пӑхса тухӗ.
Сӑнӳкерчӗкĕ: Валерий Шахов | «Башинформ» ИА архивӗ.
https://www.bashinform.ru/news/law/2026-08-20/v-bashkirii-pered-sudom-predstanet-prodavets-surrogata-4661738