Пушкăртстан Пуçлăхĕ Гайра вĕлернĕ студентсен çемйисене пулăшма хушнă

Республика Пуҫлӑхӗ Радий Хабиров Гай медицина колледжӗнчи Пушкӑртстан студенткисен тӑванӗсемпе ҫывӑх ҫыннисене кирлӗ пулӑшу пама хушнă. Çакă Баймак тата Кугарчă районӗсен пуҫлӑхӗсене пырса тивет.

"Вĕлернӗ хӗрсен ашшӗ-амӑшӗ мӗн туйнине ниепле те тавҫӑрса илейместӗп. Хӑрушӑ трагеди. Халӗ ҫемьене пулӑшмалла тата вӗсене кирлӗ пулӑшӑва парса тӑмалла", — тенӗ Радий Хабиров.

Маларах «Башинформ» агентстви сентябрӗн 30-мӗшӗнче Оренбург облаҫӗнчи Гай хулинче 17 ҫулхи Айгиза У., 18 ҫулхи Адиля Каримован тата 19 ҫулхи Зульфия Саникинан виллисене тупни ҫинчен пӗлтернӗ. Преступника полицейскисем шыраҫҫӗ, вырӑнта следовательсемпе криминалистсем ӗҫлеҫҫӗ. Уголовнӑй ӗҫ пуҫарнӑ.

Малтанхи çирĕплетмен даннăйсемпе, хĕрсенчен пĕринпе туслашма хăтланнă çамрăк çын преступлени тума пултарнă тесе шутлаççĕ.

 «Башинформ» информацийĕпе.

Сăнÿкерчĕкĕ: ПР СУ СКР.