Пушкӑртстанра пĕр кунра икĕ çын путнă

Синкерлĕ ĕҫсем июнӗн 26-мӗшӗнче пулса иртнӗ. Кун пирки регионти МЧС пресс-служби пӗлтернӗ.

Ведомство пресс-службин ертӳҫин тивĕçĕсене пурнăçлакан Андрей Зайцев каласа панӑ тӑрӑх, Ашкадар шывӗнчи Стерлитамакра граждан хӳтӗлев управленийӗн ҫӑлавҫисем 43 ҫулхи арҫын ӳтне тупнӑ. Унтан ӑна полици пайӗнчи сотрудниксене панă.

Кумертау патшалӑх комитечӗн ЧС тӑрӑхӗнчи шыравпа ҫӑлав отрячӗн водолазӗсем Мелеузра карьертан 17 ҫулхи ача ӳтне кӑларнӑ та полици сотрудникӗсене панӑ.

Оперативлӑ-следстви мероприятийӗсем икӗ ĕçпе те пулса иртеҫҫӗ.

Раҫҫей МЧСĕн Пушкӑрт тӑрӑхӗнчи тӗп управленийӗ шыв ҫинче хӑйне мӗнле тытмалли правилӑсене пӑхӑнма, ачасене пĕчченшер шыва кĕме ирӗк памалла мар тесе чӗнсе калать. Ҫын ҫӳремен, санкцилемен вырӑнсенче шыва кӗмелле мар. Ачасене ишме вӗрентмелле.

https://resbash.ru/news/proishestviya