Пушкӑртстанра тискер тилĕсем ҫынна тапӑннине регистрациленӗ

Пушкӑртстанра тискер тилĕсем ҫын ҫине тапӑннă икӗ саманта регистрациленӗ. Икӗ ӗҫ те Стерлитамак территорийӗнче пулса иртнӗ.
Роспотребнадзор начальникӗн тивӗҫӗсене вӑхӑтлӑха пурнӑҫлакан Разиля Багаутдинова информацийӗ тӑрӑх, Стерлитамакра иртнӗ эрнере чĕрчунсем ҫыртнин 20 фактне регистрациленӗ, анчах тапӑнакансен шутӗнче кушакпа йытӑ кӑна мар, хулара тискер тилӗ ҫыртнă икӗ факта та палӑртнӑ. Иккĕшне те пĕр ҫемьере палӑртнӑ, халӗ инкек курнисем профилактика сиплевӗ илеҫҫӗ, - пӗлтерет "Стерлитамак онлайн" портал.
"Башинформ" информацийĕпе.