Уфара хӗрарӑм ҫине пӳрт тӑрринчен юр йӑтӑнса аннă

Уфари граждан хӳтӗлевӗн управленийӗн начальникӗ Рафаэль Ахметов декабрӗн 6-мӗшӗнче хула мэрийӗн оперативлӑ канашлӑвӗнче иртен-ҫӳрене ҫурт тӑрринчен юр ӳкнипе суранланнӑ пирвайхи тӗслӗхсенчен пӗрне пӗлтернӗ.
"Ҫурт тӑррисенчен юр шуса анни палӑрма пуҫларӗ. Ҫапла, ноябрӗн 24-мӗшӗнче Киров районӗнчи Чернышевский урамӗнчи 122-мĕш номерлă çурт тӑрринче пухӑннӑ юр ÿкнине пула 27 ҫулти хӗрарӑм аманнă", — пӗлтернӗ ведомство ертӳҫи.
Рафаэль Ахметов коммуналлӑ тата пурӑнмалли ҫурт-йӗр хуҫалӑх предприятийӗсене пăхса тăракан территорие вӑхӑтлă юртан тасатма тата кирлĕ пулсан хăйăр сапма ыйтнă.
"Башинформ" информацийĕпе.
Сăнӳкерчӗкĕ: Ксения Калинина.