Уфари икӗ пенсионер ултавҫӑсене 17 млн тенкĕ паман

Уфара икӗ ватӑ гражданин сыхӑ тӑнӑ, аферистсене хӑйсен перекетленĕ укçине вӑрлама паман — пӗтӗмпе 17 миллион тенке яхӑн. Икӗ фактпа та ултава уйрӑмах пысӑк виҫепе тапӑнни пирки уголовлӑ ӗҫсем пуҫарнӑ.
70 ҫулти пенсионер ака уйӑхӗн 21-мӗшӗнчен пуҫласа 27-мӗшӗччен паллӑ мар ҫынсенчен шӑнкӑравсемпе хыпарсем илнӗ, вӗсем кадрсен ӗҫченӗ, «Госуслуги», ФСБ тата Центробанкӑн специалисчӗ тесе паллаштарнӑ. Аккаунта ҫӗмӗрес тата укҫа-тенке хӳтӗлес сӑлтавпа усал шухӑшлӑ ҫынсем 15 миллион тенке «хӑрушлӑхсӑр счетсем» ҫине куҫарма ӳкӗтленӗ. Арҫын ултава вӑхӑтра тавçăрса илнӗ, калаҫӑва татнӑ та полицие ҫитнӗ.
50 ҫулти пенсионер ҫав тапхӑрта 1,9 миллион тенкӗсӗр чутах тӑрса юлман. Аферистсем домофонсем вырнаҫтарас енӗпе ӗҫлекен мастер, унтан — Росфиннадзор сотрудникӗ пек паллаштарнă, ӑна пухӑннă перекетсене куҫарма хистенĕ. Анчах арҫын та схемӑна вӑхӑтра ӑнланнӑ, мӗн пулса иртнине полицие пӗлтернӗ.
Пушкӑртстан Республикинчи МВД аса илтерет: патшалӑх учрежденийӗсемпе банксен ӗҫченӗсем нихӑҫан та «хӑрушлӑхсӑр счетсем» ҫине укҫа куҫарма ыйтмаҫҫӗ — вӗсем ҫук. Ҫакӑн пек шӑнкӑравласан калаҫӑва ҫийӗнчех пӑрахăçлӑр, 102 номерпе шӑнкӑравлӑр.
https://mgazeta.com/news/novosti/2026-04-28/dvoe-ufimskih-pensionerov-ne-otdali-moshennikam-17-mln-4668205