+14 °С
Облачно
Пулса иртни
5 Мая , 05:37
Пушкӑртстанра пурӑнакан хӗрарӑм 8 млн тенкӗ ытла ҫухатнӑ
Ӑна ултавҫӑсем улталанӑ.
Пушкӑртстанра пурӑнакан хӗрарӑм 8 млн тенкӗ ытла ҫухатнӑ
Ӑна ултавҫӑсем улталанӑ.
Агидель полицине вырӑнти 30 ҫулти хӗрарӑм пынӑ. Вӑл пӗлтернӗ тӑрӑх, усал шухӑшлӑ ҫынсем ултавлӑ майпа 8,7 млн тенкӗ ытла укҫа ярса илнӗ.
Шар курнӑ ҫын каланӑ тӑрӑх, ӑна страхлакан компани ӗҫченӗсем тесе паллаштарнӑ паллӑ мар ҫынсем шӑнкӑравланӑ. Вӗсем унӑн банк счечӗсене ҫӗмӗрес хӑрушлӑх пур тенĕ, пур укҫана та васкавлӑ хывма ҫине тӑрсах сӗннĕ. Хӗрарӑм банкӑн ҫывӑхри филиалне ҫул тытнӑ, унта пысӑк укҫа илме хӑтланнӑ. Финанс учрежденийӗн ӗҫченӗсем клиенткӑн тӗлӗнмелле хӑтланӑвне асӑрханӑ, ӑна хӑрушлӑх пулма пултарасси пирки асӑрхаттарма тӑрӑшнӑ. Анчах хӗрарӑм банк ӗҫченӗсен сӗнӗвӗсене шута илмен, укҫа-тенкӗ ӑна куҫман пурлӑх туянма кирлине пӗлтернӗ.
2,2 млн тенкӗ ытла шар курнӑскер банк касси урлӑ куҫарма ӗлкӗрнӗ. Юлнӑ суммӑна — 6,5 млн тенкӗ ытла — вӑл асӑннӑ адреспа килнӗ курьера панӑ.
Ку фактпа «ултав» статьяпа уголовлӑ ӗҫ пуҫарнӑ.
Пушкӑртстанра пурӑнакан хӗрарӑм 8 млн тенкӗ ытла ҫухатнӑ