Пушкӑртстанра пурӑнакансем ултавҫӑсен ӗҫӗсене пула 13 млн тенкӗ ытла ҫухатнӑ

ПР МВД ултавӑн виҫӗ эпизочӗ пирки каласа кӑтартнӑ, унта усал шухӑшлӑ ҫынсем ултавӑн тӗрлӗ схемипе усӑ курнӑ.

37 ҫулти уфимкӑна инвестици платформин финансисчӗсем шӑнкӑравланӑ имӗш. Вӗсем пассивлӑ пысӑк тупӑш пама шантарнӑ, хӗрарӑма ятарлӑ приложени вырнаҫтарма ӳкӗте кӗртнӗ. Юлашкинчен вӑл ултавҫӑсене хӑйӗн мӗнпур перекетне — 11 миллион тенкӗ ытла — куҫарнӑ.

56 ҫулти арҫынна ФСБ тата Росфинмониторинг суя ӗҫченӗсем шӑнкӑравласа хӑратнӑ. Унӑн укҫине ултавҫӑсенчен хӳтӗлес сӑлтавпа вӗсем 800 пин тенке «хӑрушлӑхсӑр счет» текеннине куҫарма хистенӗ.

45 ҫулти хула ҫынни патне темиҫе кун Центробанкӑн суя ӗҫченӗсем шӑнкӑравланӑ. Вӗсем вӑл террористсене укҫа-тенкӗпе тивӗҫтерет имӗш, уголовлӑ яваплӑхран хӑтӑлас тесен васкавлӑн тӳлемеллине пӗлтернӗ. Арҫын ӗненнӗ, машинана залога парса кредит илнӗ, преступниксене 800 пин тенке яхӑн панӑ.

Полици граждансене тепӗр хут сыхӑ пулма, палламан ҫынсене шанма, вӗсем хушнипе укҫа куҫарма хушмасть.

https://www.bashinform.ru/news/law/2026-05-31/zhiteli-bashkirii-lishilis-bolee-13-mln-rubley-iz-za-deystviy-moshennikov-4655833