Ултавҫӑсем Салават ҫыннинчен домофона улӑштарас сӑлтавпа 2 млн тенкӗ илӗртнӗ

Салаватра 54 ҫулти арҫын телефон аферисчӗсен парни пулса тӑнӑ, 2 миллион тенкӗ ытла ҫухатнӑ. Кун пирки Раҫҫей МВД Салават хулинчи пайӗ пӗлтерет.

Ултав схеми домофон уҫҫисене улӑштармалли пирки шӑнкӑравланинчен пуҫланнӑ. Усал шухӑшлӑ ҫын арҫынна заявка ҫырма СМСри кода калама ыйтнӑ, ун хыҫҫӑн ҫыхӑну татӑлнӑ.

Часах шар курнӑскере Росфинмониторинг тата ФСБ «ӗҫченӗсем» имӗш тепӗр хут шӑнкӑравланӑ. Вӗсем унӑн «Госуслуги» аккаунтне ҫӗмӗрнине, ун ячӗпе террорла ӗҫ-хӗле укҫа-тенкӗпе тивӗҫтернине пӗлтернӗ. Ят-сума «ҫӑлас» тата суя доверенноҫа пӑрахӑҫлас тесе суя специалистсем мӗнпур перекете «хӑрушлӑхсӑр счет» ҫине шаннӑ ҫын урлӑ пама ыйтнӑ.

Хӑратнине ӗненсен арҫын банк ӗҫченне автомобиль туянасси пирки суйса 2 миллион тенке хывнă. Укҫине вӑл хура пакета чиксе Хусана илсе кайнӑ, унта ӑна курьера панӑ. Ултава ҫакӑн хыҫҫӑн тин ӑнланса илсен Салаватра пурăнакан полицие ҫитнӗ.

Пулса иртнӗ ӗҫ-пуҫ пирки уйрӑмах пысӑк виҫепе улталани пирки уголовлӑ ӗҫ пуҫарнӑ (РФ УК 159-мӗш статйин 4-мӗш пайӗ).

МВД асӑрхаттарать: СМСри кодсене, банк карттисен даннӑйӗсене тата харпӑр информацие палламан ҫынсене, вӗсем кирек кам пек паллаштарсан та, нихӑҫан та ан пӗлтерӗр. Вӑй ведомствисемпе банксен чӑн-чӑн ӗҫченӗсем нихӑҫан та «хӑрушлӑхсӑр счетсем» ҫине укҫа куҫарма ыйтмаҫҫӗ.

https://mgazeta.com/news/novosti/2026-07-21/moshenniki-vymanili-u-zhitelya-salavata-2-mln-rubley-pod-predlogom-zameny-domofona-4758128