Пушкӑртстанра пурӑнакан хӗрарӑм 3 млн тенкӗ ҫухатнӑ

Инкек республикӑри Мияки районӗнче пулнӑ.

Ултав телефонпа шӑнкӑравланинчен пуҫланнӑ, унта усал шухӑшлӑ ҫын хӑйне почта ӗҫченӗ тесе паллаштарнӑ, вырӑнти 77 ҫулти хӗрарӑма посылка кӗтнине пӗлтернӗ. Тиев илес тесен хӗрарӑма СМС-хыпартан код пӗлтермелле пулнӑ, ҫапла тунӑ та вӑл. Каярах хутшӑнӑва банк, Роскомнадзор тата ФСБ «ӗҫченӗсем» хутшӑннӑ. Шухӑшласа кӑларнӑ сӑлтавсемпе усӑ курса — «Госуслуги» аккаунта ҫӗмӗрнинчен пуҫласа терроризма укҫа-тенкӗпе тивӗҫтересси тата купюрӑсене тӗрӗслемелли пирки иккӗленни таранах ултавҫӑсем парнене мӗнпур перекетленĕ укçине вӗсене пама ӳкӗтленӗ.

Аферистсен инструкцийӗсемпе пенсионерка счет çинчен виҫӗ миллион тенкӗ кӑларнӑ. Банкра хывас тӗллев пирки ыйтсан вӑл ҫурт-йӗре юсама укҫа кирлӗ тесе хуравланӑ. Каярахпа хӗрарӑм хура сумкӑри укҫана хӑйӗн ҫурчӗн картишӗнче ҫирӗм пилӗк ҫулсенчи палламан йӗкӗте панӑ. Ултава ӑнлансан ҫеҫ правӑна сыхлакан органсене ҫитнӗ вӑл.

Пулса иртнӗ ӗҫ-пуҫ пирки «Уйрӑмах пысӑк виҫепе улталани» статьяпа уголовлӑ ӗҫ пуҫарнӑ.

https://mgazeta.com/news/novosti/2026-08-04/zhitelnitsa-bashkirii-stala-zhertvoy-masshtabnoy-afery-i-poteryala-3-mln-rubley-4771267