Пушкӑртстанра студентка ӗҫ шыранă чухне 3,5 млн тенкӗ ытла ҫухатнӑ

Пушкӑртстанри Благовар районӗнче 19 ҫулти вырӑнти хӗрарӑм телефон ултавҫисен парни пулса тӑнӑ, 3,5 миллион тенкӗ ытла ҫухатнӑ.

Республикӑри МВД пӗлтернӗ тӑрӑх, 2026 ҫулхи утӑ уйӑхӗнче хӗре таварсене хаклассипе ҫыхӑннӑ дистанциллӗ майпа ӗҫлеме сӗннӗ. Ваканси ҫине хуравланӑ хыҫҫӑн унпа паллӑ мар ҫын ҫыхӑннӑ, вӑл хӑйне Росфинмониторинг ӗҫченӗ тесе паллаштарнӑ, уголовлӑ майпа явап тыттарассипе хӑратса йӗркене пӑсни пирки пӗлтернӗ.

Инкек-синкекрен хӑраса шар курнӑскер 50 пин тенкӗ кредит илнĕ, ҫавӑн пекех тӑванӗсенчен 3,5 миллион тенкӗ ытла кивҫен илнӗ, ун хыҫҫӑн мӗнпур укҫана хӑйне кӑтартнӑ счетсем ҫине куҫарнӑ.

Калаҫакансемпе ҫыхӑну чарӑнсан хӗр ултавпа тӗл пулнине ӑнланса илнӗ. РФ УК тивӗҫлӗ статйин пайӗпе уголовлӑ ӗҫ пуҫарнӑ.

https://mgazeta.com/news/novosti/2026-09-07/v-bashkirii-studentka-lishilas-bolee-3-5-mln-rubley-pri-popytke-nayti-rabotu-4805214