Пушкӑртстанри пенсионера Мускава вӗҫме 1,3 миллион тенкӗ пама хушнӑ

Стерлитамакра 73 ҫулти вырӑнти ҫын телефон ултавҫисен парни пулса 1,3 миллион тенкӗсӗр тӑрса юлнӑ. Пулса иртнӗ ӗҫ-пуҫ пирки «Ултав» статьяпа уголовлӑ ӗҫ пуҫарнӑ.
Пушкӑртстанри МВД пресс-службинче пӗлтернӗ тӑрӑх, аферистсем темиҫе тапхӑрпа ӗҫленӗ. Малтан пенсионер патне Пенси фончӗн ӗҫченӗ тесе паллаштарнӑ хӗрарӑм шӑнкӑравланӑ. Пенсие тепӗр хут шутлас сӑлтавпа вӑл арҫынна йышӑнӑва ҫырнине ҫирӗплетме смс кодне калама ӳкӗтленӗ имӗш.
Унтан шар курнипе ФСБ суя ӗҫченӗ ҫыхӑннӑ. Паллӑ мар ҫынсем пенсионер шутӗнчен 800 пин тенке туслӑ мар патшалӑха укҫа-тенкӗпе куҫарма хӑтланнӑ имӗш. Ҫак сӑлтавпа усал шухӑшлӑ ҫын арҫынна хӑйӗн мӗн пур перекетленĕ укçине — 1,3 миллион тенкине — хывма ӳкӗте кӗртнӗ.
Кун хыҫҫӑн ултавҫӑсем укҫа «паллӑ тунӑ» имӗш, терроризм ӗҫӗнче те палӑрать тесе пӗлтернӗ. Пенсионера васкавлă Мускава вӗҫсе кайса «экспертиза» ирттерме укҫана пама хушнӑ. Ҫав каҫах арҫын пӗтӗм суммӑна паллӑ мар курьера панӑ.
Каярахпа аферистсем инкеке лекнӗ ҫынна тата 2 миллион тенкӗлӗх кредит илме ӳкӗте кӗртме хӑтланнӑ. Анчах ҫак тапхӑрта арҫын ултава сиснӗ, хутшӑнма пӑрахнӑ, полицие ҫитнӗ.
https://mgazeta.com/news/novosti/2026-09-14/pensionera-iz-bashkirii-zastavili-letet-v-moskvu-i-otdat-1-3-milliona-rubley-4811696