Шкул апатланăвĕ сентябрьте хаклăланма пултарать

2022 ҫулхи кӑрлач уйӑхӗнчен пуҫласа Пушкӑртра шкул ачисен ҫӑмӑллӑхлӑ категорийӗшӗн вӗри апат-ҫимӗҫ хакне индексациленӗ. Регионта ҫавнашкал 279 700 вӗренекен. Вӗсене пурне те апат-ҫимӗҫ ӳсӗм групписене тата апат-ҫимӗҫ режимне шута илсе тивӗҫтереҫҫӗ. Хальхи вӑхӑтра республикӑра пуҫламӑш классем валли ирхи апат 59,76 тенкӗ тӑрать, кăнтăрлахи апат - 67,12 тенкӗ. Пӗрремӗш сменӑра вӗренекен нумай ачаллӑ, сахал тупӑшлӑ ҫемьесенчи ачасем валли 67,21 тенкӗ таран тӳлевсӗр ирхи апат, иккӗмӗш сменӑра 77,54 тенкӗ тӑракан апат параҫҫӗ. 1-4 классенчи ОВЗ тата инвалидлăхпа ачасем шкулта икӗ хут 121,66 тенкӗпе тӳлевсӗр апатланаççĕ, асӑннӑ категорири шкул ачисене 5 класран пуçласа 11 класс таран - 141,36 тенкӗ уйӑраҫҫӗ.
ПР Патшалӑх Пухăвӗн - Курултайӑн вӗренӳ, культура, ҫамрӑксен политики, спорт енӗпе ӗҫлекен комитет ларӑвӗнче пушкӑрт шкулĕсенче вӗри апат-ҫимӗҫ хакĕ ÿснин ыйтăвне сӳтсе яврӗҫ.
Кун пек лару-тӑрӑва шкул ачисен вӗри апатне ӳстерес хӑрушлӑхпа паян пур регионта та сӳтсе яваҫҫӗ. Комитет ларӑвӗнче халӗ федераци шайӗнче 2022 ҫулхи сентябрь тӗлне хушма укҫа-тенкӗ уйӑрасси ҫинчен сӳтсе явни ҫинчен пӗлтерчӗҫ.

"Башинформ" информацийĕпе.
Сăнÿкерчĕкĕ: Олег Яровиков.