Раҫҫей Президенчӗ ачасене шкула хатӗрленме маткапиталран юлнă укçа-тенкĕпе усӑ курма сӗннĕ

 

#владимирпутин

Владимир Путин маткапиталран юлнă укçа-тенкĕпе усӑ курмалли ыйтӑва влаҫсем пӗлнине палӑртнӑ, халӗ ӑна правительствӑпа сӳтсе яваҫҫӗ.

"Тӗп укҫана тӑкакланӑ хыҫҫӑн нумаях мар укҫа юлать, унпа ним тума та май ҫук пек", - тенӗ Президент.

Вӑл каланӑ тӑрӑх, ку укҫана Раҫҫей ҫыннисене ачисене шкула пухма укҫа-тенкӗ тӳлеме май пама юрать. Малтанхи вӑхӑтра ку сумма 10 пин тенкӗпе танлашать, анчах малашне правительство "тата ытти утӑмсем" тума пултарать, - палӑртнă Президент.