Олимпиадӑн кӗмӗл призерӗ Тимур Сафин Уфана вӗҫсе килнӗ

Августӑн 3-мӗшӗнче Токио хулинчи Олимп вӑййисен кӗмӗл призерӗ Тимур Сафин ҫӗрлехи авиарейспа Уфа аэропортне ҫитнӗ.

Спортсмена Гульсина Рахимзяновна Сафина амӑшӗ, Пушкӑртстан спорт министрӗ Руслан Хабибов, Лира Грушина тренер тата фехтованин альма-матерĕн — ача-пӑча тата ҫамрӑксен специализациленӗ олимп шкулӗн воспитанникӗсем кĕтсе илчĕç тата тав туса саламларӗҫ.

Аса илтеретпӗр, августӑн 1-мӗшӗнче Тимур Сафин французсемпе тупӑшса Раççей командин йышĕнче финал тĕлпулăвĕнче иккӗмӗш вырӑн йышӑнчӗ. Олимп «кĕмĕлне» пушкӑрт рапирисчӗпе пӗрле Владислав Мыльников, Антон тата Кирилл Бородачёвсем тивӗҫнӗ.

Кӗмӗл медаль Токио хулинче пушкăрт спорчӗн воспитанникӗсем ҫӗнсе илнӗ иккӗмӗш награда пулса тӑчӗ. Спортсмена кӗтсе илме Аделина Загидуллина та килнӗ, вӑл маларах Раҫҫей хӗрарӑмсен командинче Олимп чемпионки пулса тӑнӑ.

«Башинформ» информацийĕпе.

Сăнÿкерчĕкĕ: Олег Яровиков.