Уфари кӗрешӳ енӗпе иртекен юниорсен Тĕнче чемпионачĕ 2024 çулта Олимпиадӑна хутшӑнакансене суйласа илмелли площадка пулса тăрать

Токиори Олимпиада хыҫҫӑн спорт общественнăçĕ тата спорта юратакансем пурте Пушкăртстана сӑнама пуҫлӗҫ. Тепӗр виҫӗ кунран Уфара спорт кӗрешӗвӗн тӗнче чемпионачӗ старт илет. Ҫакна та палӑртмалла: республикӑн тӗп хули ҫавнашкал ӑмӑрту йышӑнакан Раҫҫейри пӗрремӗш хула пулса тӑрӗ.

Пушкӑртстана килнӗ вӑхӑтра ҫӗршыв президенчӗ Владимир Путин Пушкӑртстанра пӗтӗм тӗнче турнирĕсене ҫӳллӗ шайра ирттерме пӗлнине тата ҫавнашкал тата ытти спорт ӑмӑртӑвӗсене ирттерме палӑртнине каларӗ.

Пысӑк спорт пулӑмĕ 54 ҫӗршывран 1500 ҫынна Уфара пуҫтарӗ. Юниорсен хушшинче спорт кӗрешӗвӗн чемпионачӗ августӑн 13-мӗшӗнче грэпплингпа старт тӑвать, августӑн 16-мӗшӗнчен пуҫласа грекпа-рим тата ирӗклӗ кӗрешӳ енӗпе ӑмӑртусем иртеҫҫӗ, августӑн 22-мӗшĕччен чемпионат тӑсӑлать. Августӑн 17-мӗшӗнче «Уфа-Арена» площадкинче савӑнӑҫлӑн уҫмалли церемони пулать.

Палӑртса хӑварар, Пушкӑртстанӑн тӗп хулинче иртекен тĕнче первенстви 2024 çулта Парижра иртекен Олимп вӑййисене хутшӑнакансен смотрӗ пулса тарать.

 «Башинформ» информацийĕпе.

Сăнÿкерчĕкĕ: ПР Спорт кĕрешĕвĕн Федерацийĕ.