«Уфа» аэропортра Филиппинран кӗрешекенсен чемпионатне хутшӑнакансене кӗтсе илчӗҫ

Ултӑ спортсменран тата икĕ ертÿçĕрен тăракан делегацие Филиппинран столица аэропортне ҫитнӗ. Филиппинри реслинг тата кĕрешÿ пӗрлештернӗ федерацин президенчӗ Элвин Агилар каланӑ тӑрӑх, вӑл тата ăна пулӑшакан тренерӗ, спортсменсем Раҫҫейре пӗрремӗш хут.

«Эпир кунта пулма хавас. Эпир кунта тепӗр хут килессе шанатпӑр, — терӗ Элвин Агилар. –— Паллах, коронавирус пандемийӗ пирки эпир чикӗ леш енне тухса каясран кӑштах хӑрарах тăтăмăр, анчах эпир пурне те прививка турӑмӑр та пурте йӗркеллӗ иртессе шанатпăр. Эпир Уфара награда ҫӗнсе илессе шанатпӑр, мӗншӗн тесен пирӗн филиппин спортсменĕсем Токио хулинчи Олимпиадӑра пире тĕслĕх кӑтартрӗҫ».

Аса илтеретпӗр, Уфара юниорсен тӗнче чемпионачӗ августӑн 13-мӗшӗнче стартланать. Чемпионата савӑнӑҫлӑ лару-тăрура августӑн 17-мӗшӗнче уçма палӑртнӑ. Августӑн 23-мӗшӗччен пымалла. Пушкӑртстанӑн тӗп хули 55 ҫӗршывран 1500 ҫынна йышӑнӗ.

 «Башинформ» информацийĕпе.

Сăнÿкерчĕкĕ: Валерий Шахов.