Камила Валиева кĕске программăра пĕрремĕш вырăн йышăннă

Раҫҫей фигуристки Камила Валиева пӗчченшер ярăнмалли турнирӗнче кӗске программӑра чи лайӑх кӑтарту кӑтартнӑ, хӑйӗн выступленийĕшĕн 82,16 балл илнӗ. Иккӗмӗш вырӑна Анна Щербакова йышăнать, Александра Трусова — тӑваттӑмӗш вырӑнта.

Камила Валиева Раççей фигуристкисем хушшинче малти пулса тата мĕнпур фигуристкăсем хушшинче 26-мӗш старта тухнӑ. Допинга пула историе, Спорт арбитраж сучĕн ларӑвӗ хыççăн 15 ҫулхи спортсменкăна турнирта кӗрешме ҫирӗп пулма тата пăр çине тухма ҫӑмӑл пулман.

Анчах вӑл ҫакна турӗ! Валиева судьясенчен 82,16 балл илнĕ, кӗске программӑна идеалла мар пурнӑҫланӑ пулсан та. Программăна ярăнса пĕтернĕ хыҫҫӑн Раҫҫей хӗрӗ куҫҫульне тытса чарайман. Ҫапах та юлашки эрнере нервӑсем ытла нумай тӑкаклама тиврӗ.

Александра Трусова судьясенчен 74.60 балл илнӗ. Раҫҫей командинче чи юлашкинчен Анна Щербакова пăр çине тухнă. Вӑл пур элементсене те таса тунă, Валиевăна 80,20 балл выляса янă.

Валиевӑпа Щербакова пӗрремӗш тата иккӗмӗш вырӑн йышӑннă. Виҫҫӗмӗш позицире Япони спортсменĕ Кaори Сакамото — 79.84 балл. Трусова — тӑваттӑмӗш.

Спортсменкӑсем произвольлĕ программине февралӗн 17-мӗшӗнче тӑратӗҫ.   

«МГ» информацийĕпе.