Путин спортсменсене паракан президент стипендин виçине пысăклатма хушнă

#владимирпутин

РФ Президенчӗ Владимир Путин спортсменсене патшалӑх пуҫлӑхӗн стипендийӗсен виҫине ӳстерме хушнӑ. Июнӗн 8-мӗшӗнче Кремль сайтӗнче пӗлтернӗ тӑрӑх, ҫакӑн пек ӗҫе апрелӗн 26-мӗшӗнче пулса иртнӗ физкультура тата спорт енӗпе президент канашӗн ларӑвӗ пӗтӗмлетӗвӗсем тӑрӑх панӑ.

РФ Правительствине хушу янӑ, ӑна 2022 ҫулхи октябрӗн 31-мӗшӗччен пурнӑҫламалла.

Путинăн тата тепӗр ӗҫ хушнипе Раҫҫейре ют ҫӗршыв спортсменӗсене хутшӑнтарса коммерци илӗртӳллӗ спорт турнирӗсене ирттерессине тивӗҫтермелле. Ун шучӗпе, ҫак мероприятисене туса хатӗрленӗ шайра асăннă ӑмӑртусене укҫа-тенкӗ уйӑрмалли калӑпӑшпа ҫӑлкуҫсене палӑртмалла, Раҫҫей тата ют ҫӗршыв участникӗсене укҫа тӳлемелли майсене пӑхса хӑвармалла.  

 «Известия» информацийĕпе.

Сăнÿкерчĕкĕ: РИА Новости/Михаил Мокрушин.