Уфара çамрăксем хушшинче биатлонпа Раççей первенстви уçăлать

Сентябрӗн 16-мӗшӗнче 10 сехетре Пушкӑртстан Республикин биатлон енӗпе ӗҫлекен ГБУ СШОР спорт комплексӗн базинче юниорсемпе юниоркӑсем (19-21 ҫулхисем) хушшинче Раҫҫей первенствине уҫмалли чаплӑ церемони пулать.
"Пушкӑртстан Республикинче биатлон - спортӑн тӗп тӗсӗсенчен пӗри. Пирӗн спортсменсем пӗтӗм Раҫҫейри тата тӗнчери ӑмӑртусенче йӑлана кӗнӗ пек малти вырӑнсене йышӑнаҫҫӗ. Раççей биатлонӗ тӑрӑх малта пыракансене пурне те пысӑк ӑнӑҫу, вӑй, чӑтӑмлӑх тата ҫӗнтерӗве мӗн май килнӗ таран ҫирӗп кӑмӑл сунатӑп! Ан тив, чи вӑйли ҫӗнтертӗр!"- палӑртнă Пушкӑртстан спорт министрӗ Руслан Хабибов.
"МГ" информацийĕпе.