Турнира хутшӑннӑ 44 ҫын хушшинче 1-мĕш вырӑн йышӑннӑ

Сентябрӗн 16-17-мӗшӗсенче Стерлитамак хулинче Пушкӑрт Республикинчи шахмат енӗпе XXXI Ял спорт вӑййисем иртнӗ. Ӑмӑртусене пӗтӗм республикӑри 22 команда хутшӑннă.
Пишпÿлек район чысне Тиманкин Федор, Тиманкин Михаил тата Яхина Зульфия хÿтĕленĕ. Пӗтӗмӗшле зачет пӗтӗмлетӗвӗсем тӑрӑх пирӗн команда 5-мĕш вырӑн йышӑннă. Виҫӗ призер хушшине кӗме темиҫе очко ҫитеймен.
Тиманкин Федор яллă районсенче чи вӑйлӑ шахматист пулнине тепӗр хут кӑтартса панă. Вӑл Пушкӑрт Республикин Чемпионӗ пулса тӑнӑ.

Сăнÿкерчĕкĕсем: Пишпÿлек район администрацин социаллă сетьри страницинчен.
https://vk.com/officialbiz