Гузель Бурангулова ухӑпа перессипе тӗнче Чемпионачӗн призерӗ пулса тӑнă

 

Каныкайри пирӗн ентеш Гузель Бурангулова йӑлана кӗнӗ ухӑпа перессипе 16-17 ҫулсенчи ачасен тӗнче Чемпионачӗн призерӗ пулса тӑнă. Чемпионат Актау хулинче (Казахстан) иртнӗ. Гузель Р. Гарипов ячĕллĕ БРГИ выпускникӗ, унӑн ашшӗ-амӑшӗ вара Каныкайра пурӑнаҫҫӗ.

Спортсменкӑн тренерӗ Раис Низаметдинов каласа кӑтартнӑ тӑрӑх, Гузель кӑтартӑвӗ - Раҫҫей сборнӑйӗшӗн пысӑк ҫитӗнӳ, ӑна ҫине тӑрса ӗҫленипе тата тӑрӑшнипе тума май килнӗ. Ҫав вӑхӑтрах, тунӑ ӗҫсем ҫинче чарӑнса тӑма никам та шутламасть. Умра - ҫӗнӗ тӗллевсемпе çитĕнÿсем, вӗсенчен чи кирли - ҫитес тӗнче чемпионатӗнче «ылтӑн» медаль илесси.

Сăнÿкерчĕкĕсем: Пишпÿлек район администрацин социаллă сетьри страницинчен.