Радий Хабиров Пушкӑртстанри ГТО площадкисем пирки каласа кӑтартнӑ

Пушкӑртстан Пуҫлӑхӗ социаллӑ сетьсенче спорт сывлӑхшӑн тата вӑйлӑ характер йӗркелессишӗн пӗлтерӗшлӗ пулнине палӑртнӑ пост пичетленӗ.

Радий Хабиров республикӑра спорт инфратытӑмне аталантарасси пирки каласа кӑтартнă. Сӑмахран, регион территорийӗнче пысӑк спорт центрӗсем, физкультурӑпа сывлӑха ҫирӗплетмелли комплекссемпе бассейнсем хастар тӑваҫҫӗ. Унсӑр пуҫне Пушкӑртстанра «Готов к труду и обороне» комплекс нормисене пурнӑҫлама площадкӑсем вырнаҫтараҫҫӗ.

Пушкӑртстанра 60 ҫултан аслӑрах ватӑсене пулӑшас тӗллевлӗ хӑйне евӗрлӗ пуҫару хута кайнӑ. Вӗсенчен ГТО нормативӗсене ӑнӑҫлӑ парса ылтӑн, кӗмӗл е бронза значок илнисем физкультурӑпа спорт организацийӗсене тӳлевсӗр ҫӳреме сертификатсем илеҫҫӗ. Ҫавӑн пекех ҫакӑн пек сертификатсене сывлӑх енчен хавшак ачасене тата нормативсене пурнӑҫланӑ сусӑр СВО ветеранӗсене параҫҫӗ.

Унсӑр пуҫне Раҫҫей президенчӗ Владимир Путин хушнипе, ГТО комплексне ҫӗнӗ дисциплина — пилотсӑр вӗҫекен аппаратсене (БПЛА) тытса пырассине — кӗртӗҫ. Пушкӑртстан ҫак пуҫарӑва ӗҫе кӗртме пилотлӑ регионсенчен пӗри пулӗ.

https://mgazeta.com/news/novosti/2026-06-30/radiy-habirov-rasskazal-o-ploschadkah-gto-v-bashkortostane-4736091