Радий Хабиров «Салават Юлаев» ҫӗнӗ сезона хатӗррине хакланă

Уфара Пушкӑртстан Пуҫлӑхӗ Радий Хабиров «Салават Юлаев» хоккей клубӗн ертӳлӗхӗпе ӗҫлӗ тӗлпулу ирттернӗ, унта командӑн Континент хоккей лигин ҫӗнӗ сезонӗнчи планӗсене сӳтсе явнӑ.
Радий Хабиров «Салават Юлаева» республикӑн тӗп спорт бренчӗ тенӗ, хоккеистсем сезона хатӗррине шаннине пӗлтернӗ. Вӑл иртнӗ кӑткӑс ҫула, команда лигӑн пулас чемпионне чӗрӗк финалта пысӑк ҫапӑҫу панине, ҫавӑн пекех виҫӗмҫулхи сезонӑн бронза медалӗсене аса илтернӗ. Регион пуҫлӑхӗ вырӑнти воспитанниксем йышра пулни пӗлтерӗшлӗ пулнине палӑртнă, клуба пулӑшас пур ыйтӑва та пӗрле татса парассине шантарнă.
Клубӑн генеральнӑй директорӗ Ринат Баширов ӑна хирӗҫ коллективра лартнӑ тӗллевсене уҫӑмлӑ ӑнланни пуррине пӗлтернӗ. Вӑл командӑна пӗтӗмпех комплектланине, мӗн кирлипе тивӗҫтернине палӑртнă.
Тӗп тренер Виктор Козлов клуб йӑли-йӗрки тата вырӑнти воспитанниксене пулӑшасси пирки каласа кӑтартнă. Вӑл «Толпарӑн» пӑхса тухакан тӑватӑ вӑйӑҫӗнчен тӗп йыша пӗр тӗп тапӑнакана илнине, ыттисем — ҫитӗннисен хоккейне хӑнӑхмалли мал ӗмӗтлӗ ачасем пулнине ӑнлантарнă. Команда капитанӗ Григорий Панин регион пуҫлӑхне пулӑшнӑшӑн тата ҫапӑҫури шухӑш-кӑмӑлшӑн тав тунă.

Сӑнӳкерчӗкĕ: Пушкӑртстан Пуҫлӑхӗн пресс-служби.
https://mgazeta.com/news/novosti/2026-09-03/radiy-habirov-otsenil-gotovnost-salavata-yulaeva-k-novomu-sezonu-4801731