Радий Хабиров Раҫҫей халӑхӗсен спартакиадин хисеплӗ хӑнисемпе тӗл пулнă

Сентябрӗн 10-мӗшӗнче, Пушкӑртстан Пуҫлӑхӗ Радий Хабиров Республика ҫуртӗнче Раҫҫей халӑхӗсен спорт кӗрешӗвӗн спартакиадин хисеплӗ хӑнисемпе тӗл пулнă. Вӗсен шутӗнче — Олимп вӑййисен, тӗнче тата Европа чемпионачӗсен темиҫе хут ҫӗнтерӳҫисемпе призерӗсем, спорт кӗрешӗвӗн тренерӗсем.
Регион ертӳҫи Спартакиада йӗркелеме пулӑшнӑшӑн Раҫҫей спорт кӗрешӗвӗн федерацине тав тунӑ тесе пӗлтерет унӑн пресс-служби.
— Ку пирӗншӗн питӗ пысӑк пулӑм. Республика ултӑ дисциплинӑра, ҫав шутра спорт кӗрешӗвӗнче, ӑмӑрту йышӑнать. Ҫакӑ Уфара пысӑк объектсем тунипе май килнӗ, вӗсен шутӗнче — кӗсмен слаломӗн комплексӗ, фехтовани центрӗ тата Кӗрешӳ керменӗ, — палӑртнă Радий Хабиров. — Унсӑр пуҫне пирӗн планра — регионӑн тӗп хулинче сӗтелҫи теннисӗн центрне, ҫӑмӑл атлетика пысӑк манежне, ҫавӑн пекех бокс прогресӗн центрне тата теннис академине хӑпартасси. Ҫаксем пурте спортсменсене хатӗрлеме тата чи ҫӳллӗ шайри ӑмӑртусем ирттерме ҫӗнӗ майсем парӗҫ.
Пушкӑртстан Пуҫлӑхӗ ҫавӑн пекех спорт ветеранӗсемпе тренерсене ҫитӗнекен ӑрӑва атлетсене воспитани парас ӗҫе пысӑк тӳпе хывнӑшӑн тав тунă.
— Эсир — спортӑн чӑн-чӑн легендисем. Эсир Пушкӑртстана килсе кайни те, Спартакиадӑна ҫӳрени те — сирӗн ҫине пӑхса ҫӗнӗ ҫитӗнӳсем тума тӑрӑшакан ҫамрӑк кӗрешӳҫӗсемшӗн уяв, — палӑртнă Радий Хабиров. — Тен, паян ӑмӑртура эпир сирӗнпе пулас олимп чемпионӗсене курӑпӑр.

Сӑнÿкерчӗкĕ: Пушкӑртстан Пуҫлӑхӗн пресс-служби панӑ.
https://resbash.ru/news/sport/2026-09-10/radiy-habirov-vstretilsya-s-pochyotnymi-gostyami-spartakiady-narodov-rossii-4809029