Пушкӑртстан влаҫӗсем чикĕлекен çирĕп мерӑсем йышӑнаҫҫӗ

Пушкӑртстан Пуҫлӑхӗ Радий Хабиров Зубовӑри ковид-госпитальте пулнӑ. Мӗн курни ҫинчен вӑл социаллӑ сетьсенче каласа панă.

Пушкăртстанра коронавирус ерекен чирпе лару-тӑру япӑхлансах пырать. Тухтӑрсем республикӑра прививка тунă ҫынсем COVID-19 чылай ҫӑмӑлрах чирлесе ирттернине палӑртаҫҫӗ.

Радий Хабиров Зубовӑри ковид-госпитале кайса курни çинчен каласа панă:

— Реанимацире тата ИВЛ ҫинче вакцинӑланӑ пӗр çын та ҫуккине хам куҫпа хам куртӑм, — тенӗ вӑл.

Регион пуҫлӑхӗ вакцинацилени кӑна коллективлӑ иммунитета илме тата йӗркеллӗ пурнӑҫ патне таврӑнма пулӑшассине палӑртрӗ. Ҫавна май Пушкăрт антиковид штабӗ республикӑра тӗрлӗ мерӑсем йышӑнать: хӑш-пӗр организацисене икӗ документ пур пулсан кӑна кĕме пултараҫҫӗ: вакцинаци иртни е 6 уйӑх хушшинче коронавируспа чирлесе ирттерни ҫинчен ҫырса хӑварнӑ справка пулсан.

Октябрӗн 4-мӗшӗнчен пуҫласа патшалӑх тата муниципалитет музейӗсене, театрсене, библиотекӑсене, культура ҫурчӗсене, кинотеатрсене, ҫавӑн пекех массӑллӑ спорт мероприятийӗсене ҫӳреме чараҫҫӗ.

Октябрӗн 12-мӗшӗнчен пуҫласа ҫак списока суту-илӳ центрӗсем хутшӑнаҫҫӗ; уйрӑм музейсем, курав залӗсем, библиотекӑсем, кинотеатрсем, концерт залӗсем; хуласенчи автобуссемпе хула ҫывӑхӗнчи "Орлан" поездпа ҫӳресси.

Октябрӗн 18-мӗшӗнчен пуҫласа илемлӗх, косметика, СПА-салонсем, солярисем, мунча, саунăсем, физкультурӑпа сывлӑх комплексӗсем, фитнес-клубсем, бассейнсем кĕреççĕ; ресторансемпе кафесем (унта 50 ытла лармалли вырӑн пулсан).

 «МГ» информацийĕпе.