Пушкăртстанри больницăсен тĕп врачĕсем Радий Хабирова уçă çыру янă

Пушкăртстанри тӗп врачӗсем республика ертӳҫинчен Радий Хабировран ватӑ ҫынсем валли 65+ самоизоляци кĕртме ыйтаҫҫӗ.

Соцсетьсенче республикӑри Зубовăри инфекци больницин, Клиникӑпа диагностика инфекци центрсен Стерлитамак филиалӗсен тӗп врачӗ Азат Мухаметзянов пичетлесе кӑларнӑ. Документ ҫине ҫавӑн пекех васкавлӑ медицина пулӑшӑвӗн, Октябрьски, Стерлитамак, Кумертау, Сибай тата Уфа больницисен тӗп врачӗсем алӑ пуснӑ.

"Хӑш-пӗр чухне алӑсем усӑнаҫҫӗ, анчах та эпир пӗр-пӗрне хавхалантаратпӑр, тытӑнса тӑратпӑр. Уйрӑмах 65 ҫултан аслӑрах ватӑ ҫынсем нумай каяҫҫӗ. Вӑрах чирсемпе чирлекен ҫынсем те каяҫҫӗ. Вӗсем пурте вакцинаци тума ӗлкӗреймен е тăвас темен, — тесе ҫырнӑ вӗсем ҫырура. — Коронавирус питĕ чее чир, ҫын ИВЛа е реанимацие лексен, прогноз пама никам та пултараймасть. Врачсем пӗтӗм реанимаци ӗҫӗсене тунӑ, сипленмелли майсене пурне те татса панӑ, анчах та пациента ҫӑлма май килмесен, тухтӑрсем мӗн тери чĕри ыратни ҫинчен шухӑшласа пӑхӑр-ха эсир".

Врачсем каланӑ тӑрӑх, обществӑра самаях вӑйлӑ "антипрививка" шухăшĕ хуҫаланать, коронавирусран вилнисен шучӗ кунсерен ӳснӗҫемӗн ӳссе пырать. Ҫавӑнпа та Пушкăртстан Пуҫлӑхӗнчен "хăрушă вирусран хӳтӗленмен ҫынсене пулӑшӑр" тесе ыйтнӑ.

"Эпир ватӑ ҫынсене 65+ тата вӑраха кайнӑ чирсемпе чирлекен ҫынсене самоизоляцие ямалла тесе шанатпӑр. Айтӑр пандемин черетлӗ хумӗ витӗр тухма май ҫитнӗ таран пурне те илсе тухар. Пӗчченшерӗн эпир, тухтӑрсем, ҫӗнтерме пултараймасран хăратпӑр", — тенӗ документра.

Республика оперативлă штабӗ пӗлтернӗ тӑрӑх, иртнӗ талӑк хушшинче Пушкӑртстанра 576 ҫынна чир ернӗ. Ку ӗнерхинчен 40 çын нумайрах. Иртнӗ кун ковидран регионта 30 ҫын вилнӗ. Пандеми вӑхӑтӗнче коронавируспа 70 406 ҫын чирленӗ, 61 367-шĕ — сывалнӑ.

 «Башинформ» информацийĕпе.

Сăнÿкерчекĕ: Олег Яровиков.