«Чару мерисем кирлӗ»,

— тесе шутлаҫҫӗ Пишпÿлекри «Олимп» суту-илӳ центрӗн сотрудникӗсем.

Октябрӗн 12-мӗшӗнчен пуҫласа Пишпÿлекри суту-илӳ центрӗсенче COVID-19 хирĕç вакцинаци иртни çинчен сертификат кӑтартсан, ултӑ уйӑх хушшинче коронавируспа чирлесе ирттерни çинчен справка е ПЦР-тест япӑх витӗм кӳни ҫинчен калакан справкӑсем пулсан кăна пулма пултараҫҫӗ.

Вӗсем килсе ҫӳремелли ҫӗнӗ правилӑсене Пушкӑртстан Республикинче ҫӗнӗ коронавирус инфекцийӗ сарӑлнӑ май «О введении режима «Повышенная готовность» на территории Республики Башкортостан в связи с угрозой распространения в Республике Башкортостан новой коронавирусной инфекции» Указа улшӑнусем кӗртеҫҫӗ.

Пишпÿлекри "Олимп" суту-илӳ центрӗн сотрудникӗсем чарусем кĕртнĕ йĕркепе ӗҫлеме хатӗр-и?

— Чару мерӑсем кирлӗ, хамăр та чирлерӗмӗр, самоизоляцинче уйӑх пултăмăр. Анчах тавар сутакансене йывӑр пулать. Пирӗн малалла ӗҫлемелле вӗт, — тет Светлана Архипова сутуҫӑ.

— Эпир указри улшӑнусене ӑнланатпӑр. Ку ерекен инфекци малалла ан сарӑлтӑр тесе кĕртекен çирĕп мера. Районти ҫӑмӑлах мар лару-тӑрӑва пула ҫавнашкал чикӗсене тытса тӑмалла. Малашне ҫакӑн пек чирлеиччен кӑштах кӗтмелле, — килӗшрӗ Нина Павлова парикмахер.

Октябрӗн 12-мӗшӗнчен пуҫласа вӑя кӗрекен ҫӗнӗ правилӑсене кӗртесси пирки унта ӗҫлекенсем иккӗленеҫҫӗ. Вӗсем ӑнланасса тата яваплӑх кӑтартасса шанатпӑр.

Суту-илӳ центрне кӗнӗ ҫӗрте кирлӗ тӗрӗслеве пурнӑҫлакан ковид-инспекторсем тӑмалла. Кашни ҫынран вӗсем виҫӗ документран пӗрне ыйтӗç: COVID-19 хирĕç вакцинаци тунин сертификачĕ, ултӑ уйӑх хушшинче коронавируспа чирлесе ирттернӗ ҫинчен справка е ПЦР-тест япӑх пулса кайни ҫинчен калакан справка (72 сехет). Октябрӗн 27-мӗшӗнчен ПЦР-тест, Пуҫлӑх Указӗпе килӗшӳллӗн, вăйра тăмасть.

Пишпÿлек районӗнче пурӑнакансене суту-илӳ центрне ҫӳреме кирлӗ документсем ҫинчен малтанах шухӑшласа хума ыйтатпӑр.

Карина ПАВЛОВА.

Сăнÿкерчĕкĕ: Карина ПАВЛОВА.