Брифингра çул çитмен ачасене вакцинаци тăвасси пирки ыйтăва уçăмлатнă

Район администрацийӗнче 12 ҫултан пуҫласа 17 ҫулчченхи ачасене вакцинацилес ыйтупа брифинг иртнӗ. Брифинга район администраци пуçлăхĕн социаллӑ ыйтусемпе тата кадрсемпе ĕçлекен ҫумӗ Алексей Данилов, тӗп район больницин педиатрӗ Элина Чурсина, вӗрентӳ пайӗн начальникӗн заместителӗ Инна Данилова ирттерчӗҫ. Брифинг кун йеркинчи чи пӗлтерӗшлӗ ыйту — ковидпа эпидемиологи лару-тӑрӑвӗ тата ача-пӑча вакцинацийӗ.

Алексей Данилов районти ҫитӗннӗ халӑх тата ача-пӑча хушшинче чирлесе ӳкнисен шучĕ ҫинче тӗплӗн чарӑнса тӑчӗ. Цифрӑсем, шел пулин те, лӑплантармаҫҫӗ. Кӑрлач уйӑхӗн 28-мӗшӗнчен пуҫласа февралӗн 3-мӗшӗччен коронавируспа чирленĕ 115 ҫӗнӗ тӗслӗх тупса палӑртнӑ. Пӗтӗмпе ҫулталăк пуҫламӑшӗнчен 193 çын чирленĕ, вӗсенчен 26 ача, çул çитменнисем тӑваттӑ, пенсионерсем 40, ӗҫлеме пултаракан ÿсĕмри халӑх — 123. Юлашки талӑкра ОРВИ чирӗсен 96 тӗслӗхне тупса палӑртнӑ, вӗсенчен ачасем — 51. Эрне хушшинче 405 çын чирленĕ (219 ача). Эрне хушшинче икӗ ҫын чирлесе ӳкрӗҫ. Пишпӳлек районӗнче 14840 ҫын вакцинаци иртнӗ, вӗсенчен 24 ача. Инна Данилова вӗренӳ сферинчи лару-тӑрупа паллаштарчӗ:

— Районта пӗтӗмпе 2418 ача вӗренет. Кашни кун мониторинг пырать. Шкулсенче ОРВИпе 340 ача чирлет, 17 шкул ачин ковид ҫирӗплетнӗ. Карантинта 13 класс, Пишпÿлекри 1-мĕш, 2-мĕш, 3-мĕш шкулсем, Аитпа Михайловка шкулĕсенче. 1-мĕш шкулти пӗрремӗш класне февральти каникула янӑ, вӗсене дистанципе занятисем ирттереҫҫӗ. Вӑтам шкулсенче 10 педагог чирлет. Никама та вакцинаци тума хистемӗҫ, ачасене вӗренӳрен пӑрса яраймӗҫ. Вакцинацие пӗр ашшӗ-амӑшӗн заявленийӗ пур чухне çеç тăваççĕ (12 ҫултан пуҫласа 15 ҫулччен), 15 ҫулхисенчен пуҫласа унтан аслӑраххисенчен ҫыру килӗшӗвӗ кирлӗ мар.

Элина Чурсина ача-пӑча вакцинацийӗпе час-часах паракан ыйтусем ҫине хуравларӗ: ачана вакцинаци сертификачĕ параççĕ-и, вакцинаци умӗн ачана пӑхса тухаҫҫӗ-и, унта ачасене вакцинацилеме юрать-и, вакцинаци эффекчӗсем тата хирӗҫлемелли майсем пур-и.

Февралӗн 3-мӗшӗ тӗлне 24 ача вакцинаци тунă. Пишпӳлек район больницинчи ача-пӑча педиатри кабинечӗн прививка кабинетӗнче куллен 9.00 сехетрен пуҫласа 16.00 сехетчен вакцинаци тума пулать.

Карина ПАВЛОВА хатĕрленĕ.