Пушкӑртстан Сывлӑх сыхлав министерстви республикӑра коронавируспа чирленин ӳсӗмне ҫирӗплетет

Пушкӑртстанра юлашки эрнере коронавируспа чирлекенсен пысӑках мар ӳсӗмӗ, 4 процентпа танлашнӑскер, упранать. Кун ҫинчен ПР Правительствин ЦУРти канашлӑвӗнче республикӑн сывлӑх сыхлавӗн министрӗ Айрат Рахматуллин каласа панӑ.

Айрат Рахматуллин палӑртнӑ тӑрӑх, юлашки 30 кун хушшинче COVID-19 пуҫланнӑ тӗслӗхсен шучӗ 37% чакнӑ.

"Хальхи вӑхӑтра Пушкӑртра пурӑнакан 2 761 130 ҫын е халӑхӑн 111,1 проценчӗ пӗтӗмӗшпех вакцинӑланӑ, пӗрремӗш компонент вара 2 936 134 ҫын сыпӑннӑ. Ревакцинацие 656 190 граждан ирттернӗ", — каласа панӑ ПР сывлӑх сыхлавӗн министрӗ.

 «Башинформ» информацийĕпе.