Пишпÿлек районне "Сывлӑх поезчӗ" хăçан килет?

"Сывӑ республика – сывӑ регион" ҫулленхи акцие Пушкӑрт Сывлӑх сыхлав министерстви "Единая Россия" патрин регионти исполкомӗпе пӗрле йӗркеленӗ.

"Сывлӑх поезчĕсем" пур районсем тӑрӑх та иртеҫҫӗ. Маршрут — улттӑ, вӗсене чи аякри ялсенче пурӑнакансем медицина пулӑшӑвне, ҫав шутра ансӑр специалистсене, илме пултарччӑр тесе тунӑ. Ҫак комплекссен йышӗнче — куҫса ҫӳрекен флюорографсем, маммографсем, сывлӑх центрӗсем, ФАПсем. Акцие кӑҫал 2019 ҫултан пуҫласа пиллӗкмӗш хут ирттереҫҫӗ. Ҫак вӑхӑтра унта 340 пин ҫын хутшӑннӑ.

Пишпÿлек районӗнчи "Сывлӑх поезчĕн" графикӗ

Хушăлка — 31.07 - 01.08;

Ăхпуç — 02.08;

Сухоречка — 03.08 - 04.08;

Мăратăм — 07.08 - 08.08;

Кистенлĕпуç — 09.08;

Йăлпăлактамак — 10.08 - 11.08;

Каныкай — 14.08.

Марина ИВАНОВА хатĕрленĕ.

Сăнÿкерчĕкĕ: архивран.