Радий Хабиров: «Сывлӑх поезчӗсем» Пушкӑртри 386 ял-хулана ҫавӑрса илӗҫ

Пушкӑртстан Пуҫлӑхӗ Радий Хабиров ҫулсерен иртекен «Сывӑ республика — сывӑ регион» акцие республикӑра саккӑрмӗш хут ирттернине пӗлтернӗ.

Республика Пуҫлӑхӗ каланӑ тӑрӑх, кӑҫал «Сывлӑх поезчӗсем» ултӑ маршрутпа кайӗҫ, Пушкӑртстанри пур районта та 386 ял-хулана ҫавӑрса илӗҫ.

Ӗҫе куҫса ҫӳрекен вунă флюорограф, вунă маммограф, мобильлӗ 49 фельдшерпа акушер пункчӗ, куҫса ҫӳрекен тăхăр сывлӑх центрӗ (вӗсенчен пӗри — ача-пӑчасен), ҫавӑн пекех кардиомобиль, Республикӑри Куватов ячӗллӗ клиника больницин диагностика комплексӗ, «Хӗрарӑм сывлӑхӗ» модуль тата куҫса ҫӳрекен стоматологи кабинечӗ хутшӑнӗҫ.

Радий Хабиров ҫак цифрӑсем хыҫӗнче ҫынсен сывлӑхӗшӗн чун-чӗререн тӑрӑшнине палӑртнă. Вӑл палӑртнӑ тӑрӑх, кулленхи пурнӑҫра пурин те вӑхӑтра тухтӑр патне лекме май ҫук: пĕри инҫе кайма вӑхӑт ҫук, тепри вара «ахаль те иртсе каясса» шанса аллине сулать кӑна. Ҫавӑнпа та, республика пуҫлӑхӗ хушса каланӑ тӑрӑх, медиксем кашни ҫул пациентсем патне хӑйсем килӗҫ тесе йышӑннӑ.

Сӑнӳкерчӗкĕ: Гузель Кудашева / fotobank02.ru

https://mgazeta.com/news/novosti/2026-04-14/radiy-habirov-poezda-zdorovya-ohvatyat-386-naselyonnyh-punktov-bashkirii-4652033