«Зарядка пиртен – сывлӑх сирĕншĕн»

Майӑн 14-мӗшӗнче Çирĕклĕ клубӗнче «Зарядка пиртен - сывлӑх сирĕншĕн» пĕлÿ программи иртнӗ.
Программа пуҫламӑшӗнче ертÿçĕ мероприятие хутшӑнакансене сывлăх çинчен каласа панă, сывӑ пурнӑҫ йӗрки ҫинчен усӑллӑ канашсем панă. Сывӑ пулни вӑл чирлеменни, спортпа аппаланни, пиҫӗхни пулать. Пӗлӳ программи вӑхӑтӗнче пурте усӑллӑ упражненисем тата ташӑ хусканӑвӗсене пӗр тикӗс кӗвӗ ҫеммипе хавасланса пурнӑҫланă. Ҫӑмӑллӑн чупнă, енчен енне тайӑлнă, кӗлеткене ҫаврӑнкаланă, алӑсемпе хусканкаланă тата ытти нумай упражненисем те тунă. Сывлӑх ҫинчен калакан ваттисен сăмахĕсене аса илнĕ.
Хутшӑнакансем лайӑх эмоцисем илнӗ, хӑйсен пурнӑҫӗнче ӳт-пӳ хастарлӑхӗ пысӑк пӗлтерӗшлӗ пулнине ӑнланса илнӗ.

Сăнÿкерчĕкĕсем: Çирĕклĕ клубӗн социаллă сетьри страницинчен.
https://vk.com/club135580128