Апрелӗн 7-мӗшӗнче Пӗтӗм тӗнчери сывлӑх кунĕ

Кашни ҫул апрелӗн 7-мӗшӗнче, пӗтӗм планета çинче Пӗтӗм тӗнчери сывлӑх кунне халалланӑ мероприятисем иртеҫҫӗ.

Ача садӗнчи Сывлӑх кунӗ — вӗренӳ процесӗн пӗр пайӗ кӑна мар, ача садӗнчи Сывлӑх кунӗ — воспитанниксемшӗн уяв та. Ҫак мероприятисен тӗллевӗ — ачасен сывлӑхӗпе сывӑ пурнӑҫ йӗрки ҫинчен малалла шухӑшласси, хӑйсен сывлӑхӗшӗн тӑрӑшма вӗренесси, сипленме хӑраманни, тухтӑрсем ҫине хисеплесе пӑхма воспитани парасси, ачасен хускану хастарлӑхне йӗркелесси, вӗсен ӳт-пӳ сывлӑхне ҫирӗплетесси.

Пишпÿлекри «Дюймовочка» ача садӗнче ачасемпе аслисен сывӑ пурнӑҫ йӗркине хавхалантарас тӗллевпе физкультура инструкторӗ Г.А. Шарипова пӗрлештернӗ ушкӑнра ашшӗ-амӑшӗсемпе пӗрле «Сывлӑх ҫӗршывне çул çӳрев» спорт йӑпанӑвӗ ирттернӗ. Шкул ҫулне ҫитменнисемпе вӗсен ашшӗ-амӑшӗсем «Дружба» тата «Улыбка» икĕ командӑна пайланса ӑмӑртнă, хушусене мӗнле пурнӑҫланине тимлеме, тӗрӗс тума пулӑшакан тӗрлӗ вӑййа хутшӑннă.

Кашниех хӑйӗн вӑйне, ҫаврӑнӑҫулӑхне, хӑвӑртлӑхне, тӗлли-паллисӗр тавҫӑрулӑхне кӑтартма пултарнă. Ӑмӑрту пӗтӗмлетӗвӗсем тӑрӑх «Дружба» команда ҫӗнтерӳҫӗ пулса тӑнӑ. Икӗ командӑна та Дипломсемпе чысланӑ, ачасене хавхалантарнӑ.

Пурне те Сывлӑх кунӗ ячӗпе саламлатпӑр.

Вӑй-хал, хастарлӑх, оптимизм сунатпӑр.

Кашни куна йӑл кулса, хавхаланса пуҫлăр.

Ҫирӗп мышцӑсем, ҫирӗп кӑмӑл сунатпӑр.

Нервсем те, сыпӑсем те ан чӗриклетчĕр.

Ытларах ырӑ вӑй-халпа авӑрланӑр, усӑллӑ апатланӑр, хӑвӑр киленӳпе пурӑнӑр!

#ДеньЗдоровья #ПросвещениеРодителей #МирБезОпасности

Сăнÿкерчĕкĕсем: Пишпÿлекри «Дюймовочка» ача сачӗн социаллă сетьри страницинчен.

 https://vk.com/public210640610