Хусан стрелокне ĕмĕрлĕхех тĕрмене хупаççĕ

19 ҫулхи Ильназ Галявиев кӗҫех суд умне тӑрӗ. Ӑна ӗмӗрлӗхех тĕрмене хупаççĕ.
«Ъ» пӗлтернӗ тӑрӑх, Владимир Богдан адвокатӑн сӑмахӗсене тӗпе хурса, иккӗмӗш психологипе психиатри экспертизи, Санкт-Петербургра ирттернӗскер, айӑплакан ăслă-тăнлă шутланать тата ăна уголовлӑ яваплӑх тыттараççĕ.
Унӑн ӗҫне декабрьте суд пӑхса тухӗ. Халӗ Ильназ Галявиева Санкт-Петербургран Хусана этаплаҫҫӗ.
"Башинформ" агентство пӗлтернӗ тӑрӑх, унччен В.П. Сербский ячĕллĕ патшалӑхӑн социаллӑ тата суд психиатрийӗн патшалӑх Наука центрӗ Хусан стрелокĕ массӑллӑ вӗлерӳсем тунӑ самантра ăслă-тăнлă пулман тесе йышӑннӑ. Вăл тунă преступленишĕн персе вĕлермелле айăплаççĕ, анчах Раççейре унашкал айăплава мораторий кĕртнĕ.
Аса илтеретпӗр, Хусанта Ильназ Галявиев пӗр шкулта пӑшалпа пеме тытӑннӑ. 9 ҫын вилнӗ. 21 ҫын йывӑр та вӑтам сурансемпе больницӑра пулнӑ. Вӗсем 7 ҫултан пуҫласа 15 ҫулчченхи ачасем, ҫавӑн пекех педагогсем.
"Башинформ" информацийĕпе.
Сăнÿкерчĕкĕ: соцсетьсем.