Пурин те сыхă пулмалла

Ăхпуçĕнчи ял библиотекинче "Терроризмпа экстремизм — хальхи общество хӑрушлӑхĕ" видео пӑхнӑ.

Ҫавӑн пекех "Терроризма — çук!" калаçу ирттернĕ. Эпир мӗнле хӑрушӑ тӗнчере пурӑнни вӑрттӑнлӑх мар. Украинӑра спецопераци пулнӑран 60 ытла ҫӗршыв пирӗн ҫӗршыва хирӗҫ тӑни пушшех хӑрушлӑха кӗртсе ӳкерет.

Пирӗн ҫӗршывра пурӑнакан кашни ҫын тӑшмансем майлӑ террористла ӗҫсем тума пултарасси сисчÿлентерет. Пирӗн вӑй тытӑмӗсем ҫакӑн пек хӑрушлӑха миҫе хутчен сирсе янӑ-ши?Пирӗн пурин те асӑрхануллӑ пулмалла тата сыхă тăмалла. Ҫакӑн ҫинчен паян информаци сехечӗ вӑхӑтӗнче сӑмах пынă. Чиркӳ старости А.Ф. Семенов та чун-чӗререн тухса каланă.

Сăнÿкерчĕкĕ: Ăхпуçĕнчи ял библиотекин социаллă сетьри страницинчен