Уфимецсене бомбоубежище шалтан мӗнле курӑннине кӑтартнă

Уфари Киров район администрацийӗн пуҫлӑхӗ Илвир Нурдавлятов "ВКонтакте" соцсетьри хӑйӗн страницинче хӳтӗлев сооруженийӗсен сӑнӳкерчӗкӗсене пичетлесе кӑларнӑ.

Унччен "Башинформ" хулари бомбоубежищесем ӑҫтине пӗлтерекен сведенисем хулара пурне те пĕлтерекен информаци мар тесе пӗлтернӗ. Ҫав хушӑрах, халӑха пытарма кирлӗ вӑхӑт ҫитсен, ăна пурӑнмалли ҫурт-йӗрпе эксплуатаци организацийӗсем урлӑ, килти тата подъездри аслӑ яваплă ҫынсене, ҫавӑн пекех столицӑри хӳтлӗх служби урлӑ илсе ҫитерӗҫ.

"Хӳтӗленмелли тӗп меслет — халӑха хӑрушсӑр районсене эвакуацилесси. Хула çыннисене эвакуацилес умӗн, сиенлетекен хатӗрӗсемпе усӑ курас хăрушлăх пулнă хушăра, пурӑнмалли ҫуртсен, ҫӗр айӗнчи парковкăсен тата тарӑн мар ытти сооруженисен путвалӗсенче пурнӑҫланӗҫ, — Уфари граждан хӳтӗлевӗн управленийӗн пресс-службинче пĕлтернӗ. — Хӳтлӗх пӳлӗмӗсене ҫӗнетес ӗҫе граждан оборонине йӗркеленӗ вӑхӑтра туса хатӗрлемелле. Кирлӗ пулсан, ҫак ӗҫе хула ҫыннисене явӑҫтарма пултараҫҫӗ. Путвал тата тарӑнлатнă ытти пӳлӗмсен шучӗ пӗтӗм Уфа халӑхне пытарма май парать".

РБ Пуҫлӑхӗ Радий Хабиров Пушкӑртстанра хатӗрлӗхӗн тӗп шайне кĕртни — пысӑк яваплӑх пулни ҫинчен пӗлтернӗ. Раҫҫей Президенчӗн Владимир Путинăн Указне пурнӑҫлас тӗллевпе регион ертӳҫи республикӑри оперативлӑ штаб йӗркелесси ҫинчен указ алӑ пуснӑ.

«Башинформ» информацийĕпе.

Сăнÿкерчĕкĕсем:Илвир Нурдавлятов, Vk