+25 °С
Ясно
Террора хирĕç
26 Августа , 08:05
Радий Хабиров терроризма хирӗҫ кӗрешекен комисси ларӑвне ирттернӗ
Августӑн 25-мӗшӗнче Республика çуртӗнче Пушкӑртстан Пуҫлӑхӗ Радий Хабиров регионти терроризма хирӗҫ кӗрешекен комиссипе оперативлӑ штабӑн пӗрлехи ларӑвне ирттернӗ.
Радий Хабиров терроризма хирӗҫ кӗрешекен комисси ларӑвне ирттернӗ
Августӑн 25-мӗшӗнче Республика çуртӗнче Пушкӑртстан Пуҫлӑхӗ Радий Хабиров регионти терроризма хирӗҫ кӗрешекен комиссипе оперативлӑ штабӑн пӗрлехи ларӑвне ирттернӗ.
Повесткӑра — Пӗлӳ кунӗ вӑхӑтӗнче, ҫавӑн пекех пӗрлехи сасӑлав кунӗсенче общество хӑрушсӑрлӑхне тивӗҫтерес ыйтусем.
— Вӗсем пысӑк та яваплӑ мероприятисем. Вӗсене хатӗрленӗ чухне правӑна пӑсма пултарас самантсемпе хӑрушлӑхсене шута илмелле, — палӑртнă Радий Хабиров.
Палӑртса хӑварар: пӗрлехи сасӑлав кунӗнче республикӑра 39 суйлав кампанийӗ иртӗ, ҫав шутра Раҫҫей Патшалӑх Думин тата Уфа хула Канашӗн депутачӗсене суйлӗҫ. Пурӗ 3 пин ытла суйлав участокӗ хутшӑнӗ.
Ҫӗнӗ вӗренӳ ҫулне хатӗрленесси те ҫавнашкалах пӗлтерӗшлӗ ыйту. Ку темӑна нумаях пулмасть республикӑри август уйӑхӗнчи вӗрентӳ канашлӑвӗнче сӳтсе явнă. Тӗллев —шкулсен хӑрушсӑрлӑхне тивӗҫтересси.
— Вӗренӳ организацийӗсене пурне те тӗрӗсленӗ ӗнтӗ. Пӗтӗмӗшле илсен, терроризма хирӗҫле хӳтлӗх лару-тӑрӑвӗ лайӑхланнӑ. Ҫав шутра эпир 2026 ҫулта йышӑннӑ хушма мерӑсене пула та, — палӑртнă Радий Хабиров. — Апла пулин те, ку темӑна яланах уйрӑм тӗрӗслевре тытмалла.
Ларӑва хутшӑнакансем палӑртнӑ мероприятисене ирттернӗ тапхӑрта ведомствӑсен хушшинчи хутшӑну йӗркине, ҫавӑн пекех право хуралӗн органӗсен, оперативлӑ тата авариллӗ службӑсен ӗҫӗн тӗп ҫул-йӗрӗсене палӑртнă.
Çăлкуç: ПР Пуҫлӑхӗн пресс-служби.
Радий Хабиров терроризма хирӗҫ кӗрешекен комисси ларӑвне ирттернӗ
