Чикӗ леш енче унчченхи пекех Пушкӑртстанри 200 яхӑн турист юлать

Вӗсем пурте турттарса тухакан рейссем кӗтеҫҫӗ.

Кун пирки паян республика Правительствинчи канашлура ПР тулашри экономика ҫыхӑнӑвӗсен тата конгресс ӗҫ-хӗлӗн министрӗ Маргарита Болычева пӗлтернӗ.

Ситуаци центрне чикӗ леш енчи 110 ҫын пулăшу ыйтса шăнкăравланă. Киле 29 ҫын таврӑннӑ, тата 81 турист таврӑнасса кӗтет. Пӗтӗмӗшле илсен, февралӗн 25-мӗшӗнчен пуҫласа Пушкăртстана 2695 турист таврӑннӑ.

Анчах та унчченхи пекех Раҫҫей тулашӗнче 200 яхӑн турист юлать. Вĕсем çĕршыва ытларах чухне авиарейссене пӑрахӑҫланине пула таврăнаймаççĕ.

 «МГ» информацийĕпе.