Пишпÿлек турисчĕсен ушкăнĕ «Бабай утары» этнокомплексра пулнă

"Башкирское долголетие" проект пенси ÿсĕмĕнчи çынсене республика тăрăх çул çÿреме, унăн чаплă вырăнĕсемпе паллашма май парать.

Пирен районти экскурси ушкăнĕ Туймазă районĕнчи Тюменяк ялĕнче вырнаçнă "Бабай утары» этнографи комплексне çитсе курнă.

 «Бабай утары» - этнографи комплексĕ, уçă тÿпе айĕнчи музей. Вăл 17-18 ĕмĕртен пуçласа паянхи кунччен тутар ялĕн пурнăçĕ çинчен каласа парать. Тĕлĕнмелле вырăн, кунта сепаратор тата маслобойка ĕçленине курма, авалхи армана курма, лашапа ярăнма пулать. Таса çăл шывĕ ĕçме тата ытти тĕрлĕ тĕлĕнмелле япаласем курма пулать.

Унти поварсене уйрăм мухтамалла, вĕсем килекенсене  наци апат-çимĕçепе, курăк чейĕпе, кукшапуç варенийĕпе сăйлаççĕ.

Проекта хутшăннисен экскурсийĕ – сăнÿкерчĕксенче.

Сăнÿкерчĕкĕсем: Светлана СТЕПАНОВА.