Манӑҫми Дема шывӗ тӑрӑх ишни

Железноводскри Ӳнер строительство техникумӗн студенчӗсем Дема юханшывне парӑнтарнӑ.

Июлӗн 4-мӗшӗнче Железноводск хулинчи художествӑлла строительство техникумӗн студенчӗсем чӑн-чӑн мыскарана —илемлӗ Дема шывӗ тӑрӑх ишме кайнă.

Пулас ӳнерҫӗсемпе строительсемшӗн ку ҫул кану кӑна мар, чӑн-чӑн хавхалану пулса тӑнă: ҫут ҫанталӑк вӗсене ҫӗнӗ сӑрӑсемпе идейӑсем парнеленӗ тейӗн!

Кӑмӑллӑ ишеве ӑсатма, ҫӑмӑл çул сунма район администраци пуҫлӑхӗ Александр Семенов килнӗ.

Опытлӑ вожатӑйсем шанчӑклӑ ертсе пынипе ачасем маршрута шанчӑклӑ иртнĕ, командӑра килӗштерсе ӗҫлеме, пӗр-пӗрне шанма вӗреннӗ. Юханшывӑн кашни пӑрӑнӑҫӗ ҫӗнӗ сӑнсем уҫать: чӑнкӑ ҫырансем, симӗс тӑвайккисем, лӑпкӑ шыв кукрисем тата хӑвӑрт ярӑнакансем — ҫакă пурте илӗртет, фотоаппаратсем кӑларса пурне те камера ҫине ӳкерме хистет.

Пишпÿлек районӗн ҫут ҫанталӑкӗпе илемӗ уйрӑмах тӗлӗнтернӗ. Студентсем кураторсемпе пӗрле пейзажсене пӑхса киленнӗ кӑна мар, вӗсенче вак-тӗвексене курма тӑрӑшнӑ: шыв кукӑрӑлчӑкӗсем, шыв ҫинчи ҫутӑ вӑййи-кайран пултарулӑх ӗҫӗсемшӗн никӗс пулма пултарни.

Мӗнле поход вара кӑвайтсӑр, поход апачӗсӗр?

Кӑвайт ҫинче хатӗрленӗ ансат, анчах калама ҫук тутлӑ апат, шыв тăрăх ишни пирки калаҫни командӑна пӗрлешме тата хутшăнма пулӑшнă.

Ҫакӑн пек самантсенче ӑнланатӑн: чи ҫутӑ туйӑмсем — хӑтлӑхра мар, чӗрӗ хутшӑнура тата ҫут ҫанталӑкпа пӗрлӗхре. Ҫак шыв тăрăх ишни студентсене туйӑмсем кӑна мар, хӑнӑхнӑ япаласем ҫине ҫӗнӗ куҫпа пăхассине парнеленӗ — пултарулӑх ҫыннисемшӗн вара ку чи хакли. Кам пӗлет, тен, кӗҫех эпир куравсенче Дема сӑнӗллӗ картинӑсене е унӑн ҫыранӗсемпе хавхаланнӑ проектсене курӑпӑр!

Сăнÿкерчĕкĕсем: Пишпÿлекри çамрăксен «Вектор» центрĕн социаллă сетьри страницинчен.

https://vk.com/club43415916