Июнĕн 8-мĕшĕнче Социаллӑ ӗҫченӗн кунӗ

Пишпÿлек районӗнчи социаллӑ службӑсен хисеплӗ ӗҫченӗсем! Хаклӑ ветерансем!
Сире професси уявӗпе - Социаллӑ ӗҫченӗн кунӗ ячӗпе саламлатпӑр!
Пурлӑх, таврари ҫынсене тимлӗх, ҫынсене пулӑшма хатӗр пулни — пирӗн обществӑра ҫав тери хаклакан йӑла-йӗрке ориентирӗсем. Ку шӑпах сирĕн, Пишпӳлек районӗнчи социаллӑ сферӑн хисеплӗ ӗҫченӗсем, чун-чӗре пахалӑхӗсем!
Хӑвӑра ҫынсене пулăшма халалланӑ хыҫҫӑн эсир вӗсене хӑвӑрӑн чĕрен пӗр пайне паратӑр, чун-чӗререн тӑрӑшатӑр, ӗненетӗр, лайӑх пуласса шанатӑр. Сире пула пирӗн ветерансем, сывлӑхĕ хавшанă ҫынсем, кӑткӑс лару-тӑрура пулнӑ ача-пӑчасемпе ҫемьесем чӑн пулӑшу илеҫҫӗ те каллех тулли пурнӑҫпа пурӑнма шанӑҫ тупаҫҫӗ. Сирӗн ӗҫ - чӑн-чӑн ӗҫ! Ĕҫе чӗререн тунăшăн сире тата сирӗн ҫывӑх ҫыннӑрсене тав туса ҫирӗп сывлӑх, чӑтӑмлӑх, ырлӑх тата ахаль ҫын телейӗ сунатпӑр!
Район Совечӗн председателӗ Ю.Г. ПАВЛОВ.
Район администраци пуҫлӑхӗ А.М. ЗАРИПОВ.