Уфара WorldSkills Russia наци финалĕ иртет

Августӑн 25-мӗшӗнчен пуҫласа 29-мӗшӗччен Уфара иртекен WorldSkills Russia наци финалӗнче 105 компетенципе 163 конкурс площадкисенче тупӑшӗҫ.

Хальхи вӑхӑтра 110 пин тӑваткал метр площадьре вӑхӑтлӑх конструкцисем туса лартнӑ, унта конкурс заданийӗсене ирттерме условисем йӗркеленӗ.

Пушкӑртстанри професси хатӗрлевӗн Центрӗн директорӗ Кира Галямова каланӑ тӑрӑх, наци финалӗн площадкинче хальхи вӑхӑтри оборудовани йӗркеленӗ — вӗсем тӑван ҫӗршывра тата ют ҫӗршывра кăларнисем.

«Ӑмӑртусем вӗҫленнӗ хыҫҫӑн туяннӑ пӗтӗм оборудовани республикӑри колледжсемпе техникумсен лабораторине кайӗ, вӗсен хушшинче конкурс суйлавӗ иртӗ. Пире лаборатори оборудованисемпе тухӑҫлӑ усӑ курни, студентсем малти технологисемпе тухӑҫлӑ усӑ курни питӗ кирлӗ», — терӗ вӑл.

Пӗтӗмпе ку чухнехи 100 ытла мастерской хатĕрлеççĕ.

10 ҫултан пуҫласа 24 ҫулчченхи конкурсантсем пуласса кĕтеççĕ — Уфана регионти финалсен ҫӗнтерӳҫисем хутшӑнасса палӑртнӑ.

 «Башинформ» информацийĕпе.

Сăнÿкерчĕкĕ: Валерий Шахов.