Ача-пăча творчество центрĕ хушма пĕлÿ парать

Кунта Пишпÿлек ачисем — 1 класра вĕренекенсенчен пуçласа — хăйсене килĕшекен ĕç суйласа илме пултараççĕ.

Ача-пӑча пултарулӑх центрӗ хушма пӗлӳ илес, ӑсталама тата пур ӗҫе те лайӑх тума вӗренес текенсем валли хӑйӗн алӑкӗсене яри! уҫса ячӗ. Кунта ачасем юрлама, ташлама, шахматла тата баскетболла выляма, ӳкерме, кӗлеткесем тума, изделисен, картинӑсен, поделкăсен дизайнӗсене шухӑшласа кăларма вӗренеҫҫӗ.

— Нумайӑшӗ хӑйсен ҫул-йӗрне тупнӑ ĕнтĕ, вӗренӳ ҫулӗнче художество, физкультурӑпа спорт, социаллӑ гуманитари, туристпа таврапӗлӳ тата техника ҫул-йӗрӗ енӗпе паха пӗлӳ илессе шанатпӑр, — çыраççĕ центр педагогĕсем.

Сăнÿкерчĕкĕсем: Ача-пăча творчество центрĕн ВКонтакте страницинчен.