Районти вӑтам шкулсенчи вунпӗрмӗш классенче вӗренекенсем патшалӑхӑн пӗрлехи экзаменӗсене парасси вӗҫлекен стадие кӗрет. Маларах панă экзаменсен результатсем паллӑ пулчӗҫ. Кăрканти вӑтам шкултан вӗренсе тухакан Алсу Набиуллинан официаллӑ результачӗ тӗлӗнтернӗ. Вӑл химипе май килнӗ таран чи нумай балл пухнӑ — 100 балл! Ҫак лайӑх кӑтарту патне Алсу биологипе химине ҫине тӑрсах тӗпчесе 9 класран пуҫласа тӗллевлӗн пынӑ. Вӑл кӑҫал биологи олимпиадин регионти тапхӑрӗн призерӗ пулса тӑнă. Алсу Набиуллинӑна ҫак икӗ предметпа лайăх кăтарту тунинче вӑтам шкулти химипе биологи учителӗн Заря Хайдаровна Хисматуллинан тивӗҫӗ пысăк.
Владимир СМОЛОВ.
Сăнÿкерчĕкĕ: Алевтина СЕМЕНОВА.