Шкул çумĕнчи лагере çÿрекен ачасем лимонад цехĕнче пулса курнă

Пишпÿлекри 3-мĕш вăтам шкул çумĕнчи кӑнтӑрла пулмалли лагерьте питӗ тулăх кун пулнă. Лагерь воспитанникӗсем лимонад цехне ҫитсе курнӑ, унта Р. Р. Гареев ачасене шĕвек производствин кашни тапхӑрӗпе паллаштарнӑ. Ҫакӑн хыҫҫӑн ачасем пушар чаҫне ҫитсе курнă. Пишпÿлекри 68-мĕш пушарпа ҫӑлав пайӗн начальникӗ И. Б. Маликов ачасем валли интереслӗ экскурси ирттернӗ, ачасем пушар сӳнтерекенсен экипировкине тăхăнса виҫсе пăхнă.

Кун "Юратнӑ юмахсем тăрăх" мероприятипе вӗҫленнӗ. Ачасем викторина ыйтӑвӗсене хирӗҫ юмахсене чаплӑ пӗлнине кӑтартса хуравланă. Мероприятин юлашки тапхӑрӗ 1948 ҫулхи "Цветик - Семицветик" кӑларӑмри мультфильма пăхни пулнă.

Сăнÿкерчĕкĕсем: Пишпÿлекри 3-мĕш вăтам шкулăн социаллă сетьри страницинчен.